Explore as a

Share our content

Te whakauru mai i ngā tirohanga Iwi Taketake ki te wāhanga Hākinakina mō te Whanaketanga

Research Team: Dr Farah Palmer (PI), Dr Rochelle Stewart-Withers (PI) and Dr Jeremy Hapeta (AI). Photo supplied

Mā te whakaarotahi i nga mōhiotanga me ngā wawata o te Iwi Taketake me te mana wahine, ka turakina, ka wetewetehia me te takahuri i te wāhanga Hākinakina mō te Whanaketanga

 

E arotahi ana te wāhanga Hākinakina mō te Whanaketanga ki te whakaaro he mana tō te hākinakina ki te huri i te ao, ā, ka taea e te hākinakina te whakatutuki ngā kaupapa me ngā whāinga kaupapahere pāpori, te whakatau i te rongomau me te tika tōkeke ā-iwi. Engari, ahakoa kua neke atu i te 20 tau e wānanga ana, e rangahau me te whakamātautau, kāore e arohia mai ngā tirohanga a ngā Iwi Taketake, kāore rānei e whakaurua mai ki ngā kōrerorero o te Hākinakina mō te Whanaketanga. He tino raruraru tēnei ina ko ngā Iwi Taketake te hunga e tino arohia ana e ngā kaupapa rawakore, me te aha kāore rātau i te whai wāhi atu ki te whakatau tikanga i roto i tēnei wāhanga.

Dr Rochelle Stewart Withers with pop up local vendor selling rugby league State of Origin handmade merchandise Port Morseby PNG

Dr Rochelle Stewart-Withers with pop-up local vendor selling rugby league State of Origin handmade merchandise - Port Morseby, PNG. Photo supplied.

I roto i tēnei kaupapa Pūtea Marsden, ka whakamahia e Tākuta Stewart-Withers (Te Āti Awa),  rātou ko Tākuta Palmer (Ngāti Maniapoto, Waikato) ko Tākuta Hapeta (Ngāti Raukawa, Ngāti Huia) ngā tikanga Iwi Taketake (kaupapa Māori me te kaupapa Vanua Fiji) hei whakahaere mātai take i Aotearoa me Whitī hei whakaatu i ngā kaupapa Hākinakina mō te Whanaketanga e whāngaia ana ngā mōhio e ngā tirohanga Iwi Taketake me te ū ki ngā wawata o ngā Iwi Taketake. E whai ana te rōpū ki te waihanga ariā mai i te iwi kāinga mā kitenga me ngā uiui, ngā hui me ngā rōpū e whai wāhi ana ki te whutupōro, waka ama me ngā Hākinatoru Māori. I te taha o ēnei kōrero, ka whakahaeretia anō e rātau tētahi rangahau ā-ao hei tuku raraunga atu anō.

Mā te takahuri i te wāhanga Hākinakina mō te Whanaketanga, ka tuku wāhanga te rōpū ki ngā mōhiotanga iwi taketake me te mana wahine, te Hākinakina mō te Whanaketanga me ngā mātauranga whakahaere hākinakina. Ka whakaarahia e rātau he wāhi mō ngā kōrerorero hou me ngā whai wāhitanga hou mō ngā huatau auaha, ngā tikanga me ngā mahi i roto i tēnei wāhanga.