He Whakamārama o ngā Pūkengatanga o Tāwhia te Mana
He Whakamārama
E whakahaerehia ana Ngā Karahipi Rangahau Kairangi a Tāwhia te Mana e Te Apārangi mā Hīkina Whakatutuki.
Ka tautoko Ngā Karahipi Kairangi i ngā kairangahau i ngā wāhanga aramahi rerekē kia puta ai i a rātau ngā rangahau tiketike, whaikiko hoki me te whakapakari i ngā kaiārahi i roto i ā rātau mahi, ā rātau whakahaere ake, ā, puta noa i te pūnaha pūtaiao, auahatanga me te (SI&T) hangarau o Aotearoa. Ko te tikanga ka tautoko Ngā Kairangahau, i roto i ā rātau mahi, i ngā hua pai mō te painga o Aotearoa, tae atu ki te whakaū i Te Tiriti o Waitangi i roto i ā rātau mahi me ō rātau hapori.
He wāriu nui te whiwhi i tētahi Karahipi Kairangi a Tāwhia te Mana mō te whanaketanga aramahi anamata me ngā pūmanawa kaiārahi o te rangahau.
Ngā Whāinga
Ko te whāinga matua o Tāwhia te Mana he whakapakari i ngā kaiārahi o āpōpō o te pūnaha pūtaiao, auahatanga me te hangarau o Aotearoa. Ko tā Ngā Karahipi Kairangi he:
- whakapai ake i te pupuri i ngā kaiārahi rangahau pūmanawa i roto i te pūnaha SI&T, i te wā o te karahipi me ō rātau aramahi i muri mai, mā te whakatipu i tētahi hītori mahi whaitake
- tautoko i te whanaketanga aramahi, hei whakamana i ngā Kairangahau kia tū hei kaiārahi i roto i ā rātau mahi, ā rātau whakahaere, ā, puta noa i te pūnaha SI&T
- whakapai ake i te mana ōrite me te kanorautanga i roto i te pūnaha SI&T, otirā mā te waihanga arawātea mō te Māori me ngā uri o Te Moananui-a-Kiwa me ngā wāhine he tohunga rangahau, he kaiārahi whakaihuwaka o āpōpō
- utu me te tautoko i ngā tūmomo mahi rangahau tino hou, tae atu ki ērā e aro ana kia whaihua ngā pānga mai i ngā rangahau.
Whakamāramatanga
E toru ngā kaupapa o Ngā Karahipi Rangahau Kairangi a Tāwhia te Mana, e aro ana ki ngā kairangahau i a rātau i te tīmatanga, i waenga, kua pūmau rānei ki ō rātau aramahi rangahau. Koinei ngā kaupapa e toru:
- New Zealand Mana Tūāpapa Future Leader Fellowship
- New Zealand Mana Tūānuku Research Leader Fellowship
- New Zealand Mana Tūārangi Distinguished Researcher Fellowship.
E kōrero ana ngā kupu Māori i roto i ngā ingoa karahipi i ngā uara o Hīkina Whakatutuki, ā, kei roto a Tāwhia tō Mana i te whakamanatanga o te wawata kia “Hīkina Whakatutuki - Whakatipuria a Aotearoa mō te katoa". E tautoko ana Ngā Karahipi Rangahau Kairangi a Tāwhia te Mana i te whakatipu o te hiranga i roto i te rāngai SI&T.
E whai ana ngā kaupapa i ngā kaitono tino rawe i ngā wāhanga aramahi e toru: te mana tūāpapa, ko ngā kairangahau pūhou/ngā kaiārahi o āpōpō e whakatakoto ana i te tūāpapa o tō rātau aramahi; te mana tūānuku, e ara tū ana hei kaiārahi rangahau; me te mana tūārangi, ko ngā kairangahau kairangi kua puta ō rātau ihu i ā rātau mahi, i hau te rongo mō rātau ki tāwāhi.