Te whakamahi i te AI hei hopu i te whetū ahoaho whai ake i te wātonu
Ka whakamahia e Matt Edwards o Waipapa Taumata Rau i te atamai hangahanga (AI) hei aruaru i ngā ngaru tō-ā-papa mai i ngā whetū pahū, e māmā ake ai te kimi me te rangahau i ēnei āhuatanga ao mārama onge
Ka puta i te whetū ahoaho ngā riporipo i roto i te wā tuārangi e mōhiotia ana ko ngā ngaru tō-ā-papa. He tino onge te whetū ahoaho, kotahi, e rua anake rānei ngā wā i roto i te kotahi rau tau ka pā mai i roto o te Mangōroa. Engari, he pōturi rawa ngā tikanga tātari raraunga onāianei mai i ngā paerongo ngaru tō-ā-papa. E hia marama te roa o te tautuhi i ngā tohu whakaū kitenga, ā, ko te mutunga atu pea kāore e mau ēnei kitenga mai i ēnei pahūtanga ao mārama.
I whiwhi a Tākuta Edwards i tētahi a Tahua Tīmata-Wawe hei hanga i ngā pūnaha AI tino hou rawa hei rongoā i tēnei raruraru. Ka hangaia e te rōpū ngā utauta kaha e rua. Ko te tuatahi he whatunga ioio i whakangungua hei whakaputa tika i ngā tohu ngaru tō-ā-papa ariā mai i te whetū ahoaho i roto i te hekona, i tēnei wā e hia marama te roa. Ko te utauta tuarua ka tātaritia aunoatia mā ngā raraunga paerongo hei tautuhi i ngā tohu whetū ahoaho tūturu me te tautuhi wawe i ngā āhuatanga ōkiko o te whetū mate, pērā i tōna hurihuringa me te ahua o te matū kiato-ikeike i tōna iho.
Mā tēnei rangahau, ka mātua whakarite a Tākuta Edwards ina pahū anō he whetū i tō tātou ikarangi, ka rite tātou mō tērā. Ka āwhina ngā tikanga AI whatutoto ki te whakaputa i ngā kura huna o te matenga o ngā whetū, ka mutu ka taea pea te whakamahi mō ētahi atu āhuatanga i tua atu i te tātai arorangi. Hei tauira, mā ngā pūnaha AI me te tukatuka tohu tere me te āhukahuka tauira ka whai hua pea te rāngai hangarau o Aotearoa i ngā wāhi pērā i te whakatauira pūtea.