Te tūhura i te pūtaketanga o te pūmua allostery
Dr Jamie Taka in the laboratory (photo supplied)
Ko te Allostery he tikanga whakahaere taketake e tautoko ana i ngā tukanga matū koiora me ngā tukanga whaiaroaro i roto i ngā pūtau. Ka kitea te Allostery ka pāngia ana te wāhi o tētahi pūmua ki te wāhi o tētahi atu, e whakahaere ai i ngā nekehanga. Ahakoa ko te pūmua allostery he kaupapa kua kaha rangahaua, ko te kuneroa o te allostery tētahi tino pātai i te mātai koiora. I tēnei rangahau, ka whakamahia he pūmua allosteric kua kaha rangahaua kia kite ai ka pēhea tā ngā pūmua ako ki te mahi tahi. Kei te pīrangi mātou kia mōhio ai ka pēhea tā ngā wāhanga o ēnei pūmua, matara nei, mahi tahi tonu. Ka whakatutukihia tēnei ka waihanga ana i tētahi kohinga pūmua kia ako ai mēnā ka taea ngā allostery mā te "kiri uwhi", mā te tāpiri i ētahi mea ki ērā. Ka rawekengia e mātou ēnei pūmua chimeric kia whai mōhiotanga he aha te tawhiti o ēnei wāhanga ka taea tonuhia te whakawhitiwhiti. Hei whakakapi, ka whakamahia e mātou ngā taputapu rangatira e huraina ai ka pēhea te whakaaweawe a te tukunga hou mō te pūmua i te whakarau pūngao o te huakita. Ka hua mai i tēnei kaupapa ētahi mōhiotanga nui mō te pūtaketanga me te kuneora o te allostery, ka wetekina ngā rautaki kia hangaia ai he rongoā, he taputapu mō te rongoā me te pūtaiao.