Explore as a

Share our content

Kei te manawa reka tōu? Te mārama ki te wāhanga pea o te huahuka i roto i te mate manawa matehuka

Dr Kim Mellor. Photo: Supplied

Ka tūhura a Tākuta Kim Mellor o Waipapa Taumata Rau i wāhanga kino o te huahuka i roto i te manawa matehuka

E mōhiotia ana ko te nui o te huka i rō kai tētahi pūtake o te mate matūriaka pērā i te mate manawa, ā, e tohu ana te rangahau ināianei ki tētahi wāhanga nui ake o te huka i roto i te mate manawa. Ko te tikanga he iti iho te huahuka kei ō tātau toto ki ngā taumata huahuka, nō reira i mua ko te whakaaro he iti noa te wāhanga o te huahuka ki te matehuka mō te āhuatanga ki te whēkau. Engari, nō tata nei a kite a Tākuta Mellor me tōna rōpū ka taea te tino piki ngā taumata huahuka i roto i te manawa i roto i ngā tūroro matehuka. Ko tētahi tino kitenga mai i ēnei mahi i tēnei wā ko te auati i te wāwāhitanga o te huahuka i rō manawa ka taea te takahuri, te 'whakaora' rānei te pānga mai o te mate manawa i roto i ngā kararehe matehuka. I tua atu i tēnei tūhuratanga whakaongaonga, kāore i te tino mōhiotia he pēhea te whakarau pūngao o te huahuka (te whakawhiti hei pūngao i te taumata pūtau) e te manawa.

 

Photo 2 lab shot resized

Microscopy in action. Photo: Supplied

Kua whakawhiwhia a Tākuta Mellor ki tētahi takuhe Tahua Marsden Arowhānui kia āta tirotirohia i ngā mea ka e hāpai ana i te nui haere o te huahuka i roto i te manawa matehuka, me te rapu mēnā he wāhanga tō te huahuka mai i ā tātau kai, mēnā rānei ko te whakaputa ā-pūtau te raruraru. Ka whakamahia e te rōpū ngā tikanga matūkoiora, hinengaro me atahanga tino hou rawa hei whaiwhai he pēhea te whakarau pūngao i te huahuka i roto i te manawa matehuka.

 

Ko ngā kitenga o ēnei rangahau ka whakawhānui haere atu i te māramatanga ki te mahi a tō tātau whakarau pūngao i roto i te mate, ā, e puta ai ngā maimoatanga rerekē mō te mate manawa matehuka. Nā te nui o te mate whakarau pūngao me te manawa i ēnei rā, ko te painga wā roa o te anga whakamua o ngā mōhiotanga he tino whānui tōna pānga hauora me te ōhanga, i Aotearoa me te ao.