Alice-Roza Eruera
2025: Ka rangahau a Tākuta Alice-Roza Eruera o Ōtākou Whakaihu Waka i ngā wheori o neherā me te kunenga mai, hei aromatawai mēnā rānei ka whaitake mō te hangarau koiora, te rongoā rānei
Ka whakamahia e Tākuta Alice-Roza Eruera (Ngāpuhi) tana Whakawhiwhinga Tūranga Kaihautū Anamata o Mana Tūāpapa ki te rangahau i te whakapapa o ngā wheori me te āta tirotiro ki te āhua o te urutau o te hanganga me te mahi i roto i te wā. Ka kitea ngā mahuetanga mai o ngā wheori o neherā me ngā wheori korehāhā i roto i te whenua hukapapa me ngā tīpakonga whaipara mā ngā tikanga raupapa-pītauira hou. Ka taea hoki pea te whakamahi ēnei wheori mō te hangarau koiora, tae atu ki ngā rongoā mō te tangata.
He mea urutau ngā wheori hei whakamahi i roto i te haumanu pītauira hei whakamaimoa i ngā tūmomo māuiui. Engari, ko tētahi raruraru e mōhiotia ana mō te haumanu pītauira ka taea te whakaoho ake te awhikiri o te tinana, e pā mai ai ngā pānga kino nui me te mate āpiti. I te mea kua kore e pā ngā wheori o nehe i ngā taupori onāianei, kāore pea e tino whakaoho i ārai-pūnaha awhikiri. I te taha o ngā mahi taiwhanga hei tūhura i ngā whakamahinga ka taea mō tēnei puna wheori o neherā, korehāhā hoki, ka tūhura a Tākuta Eruera i ngā whakaaro Māori mō ngā utauta hangarau koiora ā-wheori, otirā ērā kei roto i te haumanu ā-ira.
Dr Alice-Roza Eruera with an electron microscope. Supplied.