Hazel Abraham
2025: Kei te rangahau a Tākuta Hazel Abraham o Te Wānanga Aronui o Tāmaki Makau Rau me pēhea e hāpai ai te hangarau matihiko i te oranga o te Māori me ngā uri o Te Moananui-a-Kiwa
Ka whakamahia e Hazel Abraham (Ngāti Awa, Ngāti Tūwharetoa, Whakatōhea, Ngāi Tuhoe, Ngāti Rangitihi) tana Whakawhiwhinga Tūranga Kaihautū Anamata o Mana Tūāpapa ki te tūhura i te hononga pūmau i waenga i te urunga matihiko me ngā tautika-kore o te hauora mō te Māori me ngā uri o Te Moananui-a-Kiwa. E aro ana te hōtaka o Te Ara Matihiko ki te mātauranga Iwi Taketake, te whai wāhi mai o te whānau me te hāpaiora tōmua hei hanga ngātahi i ngā ara ā-whētuki, ā-ahurea hoki ki te atamai hangahanga, pāpāho pāhekoheko, me te mātauranga i roto i te pūtaiao, te hangarau, te pūhanga, ngā toi, me te pāngarau.
E paiherea ana e ngā tikanga me te mana raraunga iwi taketake, ka whai te rangahau a Tākuta Abraham i ngā tikanga rangahau hanumi, i te taha o ngā rōpū e 150, hei hanga i ngā pae pūrākau ā-atamai hangahanga, te ao niko me ngā wheako ao mariko, ngā utauta īpāho, ngā aromatawai mātau matihiko, ngā utauta ū ki ngā tikanga, me te taupānga oranga. E aro ana tēnei rangahau ki te whakamana i te ngākau titikaha, me auahatanga i roto i ngā hapori kāore e tino kitea ana.
Connecting Interculturally Framework. Credit: Moa Thought - Lincoln Moa