Taylor Winter
2025: Ka hangaia e Tākuta Taylor Winter o Te Whare Wānanga o Waitaha tētahi aronga auaha hei whakaiti i te urutā mokemoketanga i Aotearoa
He urutā te mokemoketanga kei te tipu haere e pā kino ana ki te oranga me te tere mate. I Aotearoa, he nui rawa te Māori e raru ana i te mokemoketanga, kātahi ka hē kē atu i te momotu mai i tō rātau ahurea. Ko tētahi take e pā kinotia ana tātau e te mokemoketanga i ahu mai i ō tātou iwi tō tātou oranga me tō tātou tuakiritanga. Kua kitea ko te 'aronga tuakiri pāpori' te hāpaiora ā-rōpū utu ngāwari he tōtika ake i ngā haumanu whanonga hirikapo auraki mō te whakaiti i te mokemoketanga.
I roto i tana Whakawhiwhinga Tūranga Kaihautū Anamata o Mana Tūāpapa, ka toro atu a Tākuta Taylor Winter (Ngāi Tahu) i te mātai hinengaro pāpori, ngā tauanga Bayesian, me te mātauranga Māori kia mārama ake me te whakarite i te raru o te mokemoketanga i te horopaki o Aotearoa. Ka tūhuratia e ia ngā waka e rua mō te hāpaiora: te Mau Rākau (ā-ahurea), me te kēmu papa-tēpu a Dungeons and Dragons (ā-tuakiri pāpori). Kātahi ka tuia e Tākuta Winter ēnei waka e rua hei hanga, arotake, me te whakamana i tētahi utauta hei takawaenga i te toi whenua me te hono anō ki te ahurea.
Mau Taiaha at Te Pā o Rākaihautū of the local peka of Te Whare Tū Taua o Waitaha. Source: kindly shared by the peka.