Wahineata Smith
2025: Ka rangahau a Tākuta Wahineata Smith o Ōtākou Whakaihu Waka i ngā wheako o ngā whānau Māori, o ngā whānau Tonga hoki me te whakatupu tamariki i roto i ngā ao e rua
He wāhanga hira tō te tuakiri mō te whanaketanga ahurea me te orangatanga o ngā tamariki. Ko te hunga nō Te Moananui ā-Kiwa anake, he nui ake te whiwhinga piro ki te Pacific Identity and Wellbeing Scale, i a rātou nō Te Moananui ā-Kiwa me iwi kē atu. Nā te hononga ā-whakapapa ki ngā iwi e rua, ākene pea ka rangirua haere te tamaiti me tana tuakiritanga, ka pāngia rānei ia e te mate hinengaro.
I roto i tana Whiwhinga Tūranga Kaihautū Anamata o Mana Tūāpapa ka whakamahia e Tākuta Wahineata Smith (Ngāti Korokī Kahukura, Ngāti Ranginui) ētehi tikanga rerekē hei tūhura i te āhua o te whakatupu tamariki e whakapapa ana ki ngā iwi e rua, ki te iwi Māori ki te iwi Tonga hoki, me te hāngaitanga o te ahurea, te reo me te tuakiri ki tō rātou ake hauora. Mā te rangahau nei e whakamarama atu ngā wheako o ngā whānau kia tuhi i tētehi rautaki, me tētehi rauemi matihiko hei tautoko i tēnei momo taupori e tupu haere ana. Ka whaihua tēnei rangahau mā ērā momo whānau kia angitu, kia whakaiti hoki i ngā pēhitanga o ngā pūnaha mātauranga, hauora, me te pāpori.