Andrew Erueti
2025: Ka tūhura a Ahorangi Tuarua Andrew Erueti o Waipapa Taumata Rau i ngā anga ā-ture mō te whakakore i ngā tautika-kore o te hauora me te oranga tamariki
Kua whakawhiwhia a Ahorangi Tuarua Andrew Erueti (Ngā Ruahinerangi, Ngāti Ruanui, Te Ātihaunui a Pāpārangi) ki te Mana Tūānuku kia taea ai e te Māori te whakakore i ngā tautika-kore pūmau o te hauora me te oranga tamariki mā ngā āhuatanga e ū ana ki ngā tikanga Māori me te urupare ki ngā āhuatanga tūturu o ngā tāngata whenua. Ka aro ngā mahi ki te hauora me te oranga tamariki, engari ko te aronga o tēnei anga kia whānui ake tōna hāngai ki te mana whakahaere taiao me te huatika taihara me te pāpori. He mea hanga tēnei rangahau hei whakarei ake i te tino rangatiratanga o te whānau Māori, ā, ko te pae tawhiti, ko te tautoko i te noho tahi a te iwi whānui, te tautika, me te oranga ōhanga o ngāi Aotearoa katoa.
Ko Ahorangi Tuarua Andrew Erueti te Manutaki Māori Tuarua i Waipapa Taumata Rau, ā, kei te Wāhanga Ture ia. Ko Andrew te Kaikōmihana o Te Kōmihana Uiui a te Karauna ki Ngā Tūkinotanga i te Hunga e Tiakina ana i Raro i te Maru o te Karauna, ā, he Kaitohutohu Mōtika Iwi Taketake ao whānui ia mā Amnesty International. Whai muri i tana whiwhi i tōna tohu kairangi i Toronto, i Kānata, i whakatutukihia e Andrew tētahi Tohu Fulbright i Boulder Law School i Amerika.
Associate Professor Andrew Erueti (photo supplied)