Oka Sanerivi

English

I lana faʻailoga o le New Zealand Mana Tūāpapa Future Leader Fellowship, o le ʻa suʻesuʻe ai e Lilo Dr Oka Sanerivi poʻo le ā se malamalama ma finagalo a ali’i e fa’atatau i lo latou soifua mālōlōina ma o latou tino. O le ʻa taulaʻi le suʻesuʻega i le kanesa o le fua (tulou) o aliʻi (prostate cancer) – o le kanesa e pito sili ona aʻafia ai aliʻi i Aotearoa Niu Sila. E maualuga le fua fuainumera o le maliliu o aliʻi Māori ma Pasefika i le kanesa o aliʻi, e ui lava e tutusa le fua faʻatatau o le mauaina o le kanesa ma isi kulupu o tagata. O le ʻa fesiligia e Dr Sanerivi o tagata ʻauai e uiga i lo latou silafia, o le mauaina i le maʻi, mauaina o tausiga faʻalesoifua mālōlōina, togafitiga, ma le faʻafoʻisia o le malosi e talafeagai faʻaleaganuʻu.

O le vave iloa o le gasegase, ma faia togafitiga, o le kanesa o aliʻi e fesoʻotaʻi ma ni taunuʻuga lelei mo le soifua mālōlōina o le tagata gasegase, ma e mafai ai ona faʻaitiitia le mamafatū o togafitiga e manaʻomia, lea e faʻaitiitia ai le tupe alu i le soifua mālōlōina. O lenei suʻesuʻega o le ʻa mautinoa ai le malamalama i aʻafiaga o aliʻi Māori ma Pasefika, ma o le ʻa mafai ai foʻi ona galulue faʻatasi i le mamanuina se auaunaga faʻalesoifua mālōlōina faʻapitoa ma faʻavae i aganuʻu mo le siaki ma le tausiaina o aliʻi o loʻo aʻafia i le kanesa o aliʻi.

Dr Oka Sanerivi. Supplied.