Oka Sanerivi
2025: ‘E fakatotoloʻi ʻe Dr Oka Sanerivi ʻo e Mātai Medical Research Institute ʻa e anga e vakai ʻa e kakai tangata Māori mo e Pasifiká ki he moʻui leleí, pea tautefito ki he kanisā ʻo e ʻōkani fakatupú (prostate cancer)
ʻI heʻene New Zealand Mana Tūāpapa Future Leader Fellowship, ʻe vakaiʻi ai ʻe Dr Oka Sanerivi ʻa e anga e sio mo e mahino e kakai tangata Māori mo e Pasifiká ki heʻenau moʻui leleí mo honau sinó. ʻE tokanga taha e fakatotoló ki he kanisā ʻo e ʻōkani fakatupú - ʻa ia ko ha kanisā angamaheni ʻokú ne uesia e kakai tangata ʻi Aotearoa Nuʻu Silá. ʻOku lahi ange e mate ʻa e kakai tangata Māori mo e Pasifiká mei he kanisā ʻo e ʻōkani fakatupú ʻi he ngaahi kulupu kehé, neongo ʻoku tatau pē e ʻilo ʻoku nau maʻú. ʻE ʻeke ʻe Dr Sanerivi ki he niʻihi ʻoku kau maí fekauʻaki mo ʻenau ʻilo ki he mahakí, ʻiloʻi kuo maʻu ʻi he mahakí, maʻu e ngaahi tokoni fakafaitoʻo taau mo e ʻulungaanga fakafonuá, faitoʻó, mo e fakaakeaké.
ʻI hono ʻiloʻi kei taimi, pea faitoʻó, ʻoku fekauʻaki e kanisā ʻo e ʻōkani fakatupú mo e ngaahi ola fakalakalaka ʻa e mahakí, pea ʻoku ʻuhinga ia, ʻe siʻi ha fiemaʻu ke fai ha faitoʻo lahi, pea holo ai mo e fakamole ki he moʻui leleí. ʻE fakapapauʻi ʻe he fakatotolo ko ʻení, ʻoku mahinoʻi e ngaahi aʻusia ʻo e kakai tangata Māori mo e Pasifiká, pea malava ke fetokoniʻaki ki hono fokotuʻu ha sēvesi moʻui lelei ʻe tokoni ke ʻiloʻi mo tokangaekina ai e kakai tangata ʻoku uesia ʻe he kanisā ʻo e ʻōkani fakatupú.
Dr Oka Sanerivi. Supplied.