Te hanga i ngā pūhui ārai-puruheka mai i te pūngorungoru hei whawhai i ngā poke puruheka

Kāore i te tino arohia atu ngā poke puruheka ki te ora o te tangata huri noa i te ao, ā, he nui ake ngā tāngata e mate ana i tēnei tēnā i te mate kohi, te mate pukupuku ki te ū, te marērea rānei – he tino nui ake. Ko te māharahara, kei te tipu haere te nui o ngā poke puruheka nā te huringa āhuarangi kua tino māmā o te hōrapa o te puruheka i te ao. I taua wā anō, he nui ake ngā puruheka kei te whakatipu ātete ki ngā pūhui ārai-puruheka e tino whakamahia ana, e kore ai e te whakamaimoa. He kaupapa matua te rapu huarahi hou hei whawhai puruheka urutomo i roto i te rangahau hauora koiora.

Ko ngā pūhui i hangaia e te pūngorungoru taringa, te Aciculites pulchra, nō tata nei ka kita he kaha te ārai-puruheka. I roto i tēnei tohu Pūtea Arowhānui a Marsden, ka tūhura a Ahorangi tuarua Keyzers he pēhea te ārai a ēnei puruheka pētini, ā, mēnā he whaitake mō ngā puruheka kua kore e taea te whakamaimoa. Ka whakamātautau anō te rōpū o Ahorangi Keyzer mēnā ka taea e ngā hanganga te whakaputa anō i roto i te taiwhanga, he wāhanga hira tēnei mō te whakamahi arumoni me te whakamahi haumanu. Otirā, e whai tonu ana te rōpū ki te tuitui taura here me ngā iwi me ngā hapū o Te-Moana-a-Toitehuatahi, i te wāhi i kohia ngā pūngorungoru, kia mātua manaakitia tō rātou tūranga hei kaitiaki o ēnei taonga i roto i ngā mahi o te rangahau.

Team photo (left to right): Assoc. Prof. Rob Keyzers, Dr A. Jonathan Singh, Ms. Ruth Pay, Dr. Andrew Munkacsi, Dr. V. Helen Woolner, Distinguished Prof. Dame Margaret Brimble (photo: supplied)

Mai i tēnei tūhura tūturu mīharo, ko te whāinga o tēnei rangahau he whakaputa i ngā tūmomo rongoā hou, e whiwhi ai i te tōnuitanga ōhanga me ngā maimoatanga whakaora tangata ki Aotearoa me tāwāhi. Waihoki, ka whiwhi pea te kiripuaki pakiwaituhi a Tarau Porowhā i tētahi tio puruheka hou.